As Xoias Agochadas Do Ortegal:Unha viaxe ao Descoñecido
Ortegal é unha terra de contrastes, onde a natureza desenvólvese de xeitos que parecen saídos dun soño. Desde acantilados que desafían a furia do océano ata bosques de películas, este recuncho do mundo esconde segredos que só os intrépidos poden descubrir.
Cantis de Loiba - Fernando Rodriguez
A maxia do inexplorado
Cada ruta de sendeirismo, cada praia e cada recuncho insignificante, que escapa dos mapas turísticos, agochan tesouros que esperan ser descubertos por ti. Non falamos de riqueza material, senón de lugares que gardan unha fragrancia única, onde a historia e a natureza tecen un tecido máxico que nos ofrece emocións irrepetibles.
Explorar os tesouros escondidos de Ortegal é mergullarse nunha aventura que esperta os sentidos. É escoitar o ruxir do océano contra antigas formacións rochosas, sentir a brisa fresca en lugares suspendidos no tempo e deixarse envolver por lendas transmitidas polo boca a boca, xeración tras xeración.
Solpor en Espasante -Jay-Lorenzo
Un pequeno avance…
Dende a enigmática Ermita da Virxe do Porto, un santuario no medio do mar, ata O Murito, un camiño máxico onde a natureza debuxa solpores oníricos, Ortegal agocha centos de recunchos creados pola man dun artista. Tamén nos agardan segredos como a maxestuosa Pena Furada, coñecida como a Catedral de Loiba, e O banco máis Fermoso do Mundo, miradoiro privilexiado cara o máis aló.
Pero isto é só o comezo. Nas próximas publicacións desvelaremos cada un destes lugares, contando as súas historias, lendas e como chegar ata eles.
Alborada na Estaca de Bares - Jay Loreno
A aventura continúa...
Se algunha vez sentiches a chamada do descoñecido e te apaixona descubrir lugares que parecen reservados para uns poucos, esta viaxe é para ti. Sigue o Blog Máxico do Ortegal e únete a nós nesta viaxe onde a beleza e o misterio van da collidos man.
Os Tesouros Ocultos de Ortegal agardan por ti... Queres descubrilos?
Praia de Céltigos - Jay Lorenzo
Queres saber máis sobre o Ortegal? Obtén agora o teu pase vitalicio por 1,50 € e accede a todas as nosas galerías, incluíndo "As Xoias Agochadas do Ortegal"
